У Вікіпедыі ёсць артыкулы пра іншых асоб з прозвішчам Букаціна.
Галіна Мікалаеўна Букаціна (нар. 27 студзеня 1960, Маладзечна) — беларуская актрыса. Заслужаная артыстка Рэспублікі Беларусь.
Галіна Букаціна нарадзілася ў Маладзечна. Скончыла 5 школу ў тым жа горадзе.
З 1977 па 1981 год год вучылася ў Беларускім дзяржаўным тэатральна-мастацкім інстытуце (курс В. Раеўскага)[1]. З 1981 года актрыса Нацыянальнага акадэмічнага тэатра імя Якуба Коласа ў Віцебску.
Валодае шырокім творчым дыяпазонам, унутраннім псіхалагізмам, багаццём пластычных сродкаў. Сярод роляў: Гала («Таму што люблю» паводле п’есы А. Паповай «Дзень карабля»), Лідка, Русалка («Радавыя», «І быў дзень…» А. Дударава), Стэла («Пагарэльцы» А. Макаёнка), Каралева Бона («Чорная панна Нясвіжа»), Аня («Вішнёвы сад» А. Чэхава), Алена («Мяшчане» М. Горкага), Маргарыта («Генрых VII» У. Шэкспір) і іншыя.