Віці́м[1] (бур. Витим мγрэн, эвенк.: Видым, руск.: Витим) — рака ў Расіі, ва Усходняй Сібіры, правы прыток ракі Лена.
Даўжыня 1837 км. Плошча вадазбору 225 тыс. км². Сярэднегадавы расход вады ў вусці 2200 м³/с, каля горада Бадайбо — 1520[1] м³/с. Утвараецца пры зліцці рэк Віцімкан і Чына, працякае па Віцімскім пласкагор’і, Станавым нагор’і і ўскраіне Патамскага нагор’я. Упадае ў Лену двума рукавамі, утвараючы дэльту.
Асноўныя прытокі: Куанда, Карэнга, Калакан, Калар, Бадайбо, Таксіма (правыя) і Цыпа (руск.: Ци́па)[2], Муя, Мамакан, Мама (левыя).
Рака суднаходная на 300 км ад вусця[1].