Вільгельм фон Мірбах (ням.: Wilhelm Maria Theodor Ernst Richard Graf von Mirbach-Harff; 2 ліпеня 1871, Бад-Ішль — 6 ліпеня 1918, Масква) — граф, германскі дыпламат, пасол Германскай імперыі пры Урадзе РСФСР у Маскве (красавік — ліпень 1918).
Удзельнік савецка-германскіх мірных перамоваў у Брэст-Літоўску (снежань 1917 — сакавік 1918).
Забіты левымі эсэрамі Я. Р. Блюмкіным і М. Андрэевым (хутчэй за ўсё, застрэлены з рэвальвера апошнім) па рашэнні ЦК партыі левых эсэраў з мэтай справакаваць аднаўленне вайны з Германіяй (спачатку ў пасла стралялі, а затым кінулі бомбу). Забойства германскага пасла паслужыла сігналам да пачатку паўстання левых эсэраў супраць іх былых саюзнікаў па Кастрычніцкай рэвалюцыі 1917 года — бальшавікоў.