wd wp Пошук: ⬜

Вілем Шыбар

Вілем Шыбар, нямецкі варыянт — Вільгельм Шыбер (н.-луж.: Wylem Šybaŕ, ням.: Wilhelm Schieber, 21 лістапада 1887, вёска Высока каля горада Веташаў, Германія — 3 снежня 1974, Веташаў, ГДР) — ніжнялужыцкі мастак і педагог.

Біяграфія

Нарадзіўся 21 лістапада 1887 года ў сялянскай сям’і ў лужыцкай вёсцы Высока ў ваколіцах горада Веташаў. З 1902 па 1908 год навучаўся ў педагагічным вучылішчы ў горадзе Стара-Дарбня. Пасля Першай сусветнай вайны працаваў настаўнікам у Берліне, Нойцэле і Хайнерсбруку. Падчас сваёй выкладчыцкай дзейнасці займаўся жывапісам.

У 1943 годзе ў сувязі з павелічэннем глухаты выйшаў на пенсію. Вярнуўшыся на радзіму ў Веташаў, прысвяціў сябе цалкам жывапісу. У 1948 годзе ўступіў у Асацыяцыю лужыцкіх мастакоў, у 1956 годзе — у Таварыства выяўленчых мастацтваў ГДР.

Творы Вілема Шыбара захоўваюцца ў Сербскім доме ў Будзішыне.

Узнагароды

Лаўрэат прэміі імя Карла Блехена гарадскога савета Котбуса (1956);
Лаўрэат прэміі імя Якуба Чышынскага (1970).
Мастацкая прэмія «Домавіны» (1964);

Памяць

У гонар стагоддзя з дня нараджэння у парку горада Фечау быў усталяваны помнік, прысвечаны Вілему Шыбару.

Зноскі

1 2 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #1031302743 // Агульны нарматыўны кантроль — 2012—2016. Праверана 26 красавіка 2014.

Літаратура

Wilhelm Schieber : Aquarelle und Zeichnungen ; Ausstellung zum 100. Geburtstag, Cottbus 1987
Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984

Спасылкі

Біяграфія Архівавана 4 сакавіка 2016. (верхнялуж.)
Біяграфія (ням.)