Вялі́кія Барсучы́ны[1] (трансліт.: Vialikija Barsučyny, руск.: Большие Барсучины[2]) — вёска ў Талачынскім раёне Віцебскай вобласці Беларусі. Уваходзіць у склад Талачынскага сельсавета.
У часы Расійскай імперыі вёска ў складзе Абчужскай воласці Сенненскага павета Магілёўскай губерні.
Да 18 сакавіка 1963 года вёска ўваходзіла ў склад Плоскаўскага сельсавета, да 7 чэрвеня 1966 года — у склад Навасельскага сельсавета[3], да 8 красавіка 2004 года — у склад Плоскаўскага сельсавета[4].
У вёсцы цяпер дачы, таму забудова ў добрым стане.
На ўездзе ў вёску старыя могілкі, дагляданыя і ў добрай захаванасці. На могілках пахаваны некалькі мясцовых ветэранаў Першай сусветнай вайны.