Вяле́нь[1] (трансліт.: Vialień, руск.: Велень) — вёска ў Пухавіцкім раёне Мінскай вобласці. Уваходзіць у склад Дубраўскага сельсавета.
Знаходзіцца за 10 км на паўднёвы захад ад раённага цэнтра і чыгуначнай станцыі Пухавічы на лініі Мінск-Асіповічы.
У 1816 годзе ўласнасць Ратынскіх.
У пачатку XX стагоддзя ў Амельненскай воласці Ігуменскага павета Расійскай імперыі.
У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.
25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.
У жніўні 1919 — ліпені 1920 гадоў вёска знаходзілася пад польскай уладай.
У пачатку 1930-х гадоў быў створаны калгас “Іскра”, працавала кузня.
З канца чэрвеня 1941 года да 3 ліпеня 1944 года акупавана нямецкімі вайскамі. Падчас вайны ў наваколлі дзейнічала партызанская брыгада “Беларусь”.