Выразуб[2] (мясцовая назва віразуб, Rutilus frisii) — прахадная рыба сямейства Карпавых.
Даўжыня да 70 см, вага да 6 кг і болей. Знешне нагадвае плотку, але мае большыя памеры, дробную луску (у бакавой лініі 53-68 лускавінак), адрозніваецца таксама хваставым плаўніком. Глоткавыя косці з магутнымі зубамі. Плавальны пузыр на канцы ўтварае спіраль.
Распаўсюджаны ў басейне Чорнага і Азоўскага мора, часта з’яўляецца каля вусцяў рэк. У перыяд размнажэння падымаецца па рэках на нераставанне. Да 1940-ых гг., сустракаўся як прахадная рыба на Беларусі ў басейне Дняпра і яго прытокаў. У літаратуры сустракаюцца апісанні вылава выразубаў і ў пасляваенны перыяд, але лічацца вучонымі памылковымі. Мяркуецца, што пабудаваныя на Дняпры плаціны сталі для гэтай рыбы непераадольнай перашкодай. У цяперашні час нерастуецца ў нізоўях Дняпра і Паўднёвага Бугу.
Спажывае ў ежу насякомых, чарвякоў і, галоўным чынам, малюскаў.
Палавой спеласці дасягае ва ўросце 4 — 5 гадоў.
Ахоўваецца МСАП.