Вуліца Са́вічаус (традыцыйная беларуская назва — ву́ліца Са́віч[1]; літ.: Savičiaus gatvė, польск.: ulica Sawicza) — адна са старажытных вуліц у Старым горадзе Вільнюса. Злучае вуліцу Дзіджоі і Ратушную плошчу з вуліцай Бокшта; будынкі пераважна дзвюх- і трохпавярховыя старой забудовы. Рух аўтамабільнага транспарта аднабаковы, у кірунку ад Ратушнай плошчы да вуліцы Бокшта. Яна выходзіць да так званай «буды Ромеравай» у двары за высокай сцяной (цяпер вул. Бокшта 10, Bokšto g. 10), дзе ў першую чвэрць XVIII стагоддзя дзейнічала масонская ложа «Руплівы Літвін», затым жыў мастак Альфрэд Ромер і дзейнічала найстарэйшая ў Вільні мастацкая майстэрня, у якой працавалі мастакі Канут Русецкі, Ян Зянкевіч, Эдвард Мацей Ромер. Па правым паўднёвым боку вуліцы дамы з няцотнымі нумарамі 1—15, па левым паўночным боку — цотная нумарацыя (2—10).
На Вікісховішчы ёсць медыяфайлы па тэме Вуліца Савічаус