Вернер Грэф (ням.: Werner Graeff; 24 жніўня 1901, Вуперталь — 29 жніўня 1978, Блэксберг, Вірджынія) — нямецкі скульптар, жывапісец, графік, фатограф, кінарэжысёр і вынаходнік.
У 1921 годзе пачаў вучыцца ў Баўхаўсе ў Веймары. Трапіў пад уплыў Тэа ван Дусбурга, а таксама Піта Мандрыяна. У 1922 годзе стаў членам групы «Дэ Стэйл» («Стыль») і друкаваў артыкулы па гісторыі мастацтва. Да эміграцыі ў Іспанію ў 1934 годзе быў членам нямецкага Веркбунда. З 1950 года ў яго канструктывісцкіх карцінах з’явіліся фігуратыўныя элементы.