Ва́шкінскі раён (руск.: Вашкинский район) — адміністрацыйна-тэрытарыяльная адзінка на захадзе Валагодскай вобласці ў Расіі. Адміністрацыйным цэнтрам з’яўляецца сяло Ліпін Бор, якое размешчана за 172 км ад Волагды.
Вашкінскі раён мяжуе з Кірылаўскім, Белазерскім і Выцягорскім раёнамі. Плошча раёна складае 2883,92 км², што робіць раён адным з самых маленькіх у вобласці.
У XIII стагоддзі, за часам стварэння Белазёрскага княства, землі, на якіх размешчаны цяперашні Вашкінскі раён, увайшлі ў яго склад. З XIV стагоддзя тэрыторыя вакол Белага возера трапляе ў сферу інтарэсаў Маскоўскага княства. Іван Каліта змагаўся за пашырэнне Маскоўскай дзяржавы да Белага возера. Вашкінскі раён быў утвораны 1 жніўня 1927 года ў адпаведнасці з пастановай УЦВК.
Насельніцтва раёна станам на 2017 год складала 6927 чалавек. Колькасць насельніцтва стала зніжацца, паменшыўшыся з пачатку XXI стагоддзя ў два разы.