У Вікіпедыі ёсць артыкулы пра іншых людзей з імем Васілій. Васі́лій Вялі́кі[6] (грэч.: Μέγας Βασίλειος, каля 330, Кесарыя — 379, Кесарыя), вядомы таксама як Васілій Кесары́йскі[6] (Βασίλειος Καισαρείας) — свяціцель, архіепіскап Кесарыі Кападокійскай, царкоўны пісьменнік і багаслоў. Адзін з трох Кападокійскіх айцоў царквы, разам з Рыгорам Ніскім і Рыгорам Багасловам. Яму прыпісваюцца вынаходніцтва іканастаса і складанне літургіі Васілія Вялікага. Аўтар шматлікіх пропаведзяў і лістоў (захавалася не менш за трыста), перакананы абаронца кіновіі.