wd wp Пошук: ⬜

Валянцін Іосіфавіч Гафт

У Вікіпедыі ёсць артыкулы пра іншых асоб з прозвішчам Гафт.

Валянцін Іосіфавіч Гафт (руск.: Валентин Иосифович Гафт; 2 верасня 1935, Масква — 12 снежня 2020, Жаваранкі, Адзінцоўская гарадская акруга, Маскоўская вобласць, Расія) — рускі акцёр тэатра і кіно. Народны артыст Расіі (1984).

Біяграфічныя звесткі

Нарадзіўся 2 верасня 1935 года ў Маскве ў яўрэйскай сям’і, якая прыехала з Прылукаў.

Скончыў Школу-студыю МХАТ (1957). Працаваў у маскоўскіх тэатрах імя Массавета, на Малой Броннай, імя Ленінскага камсамола, Сатыры, з 1969 у тэатры «Сучаснік».

Творчая манера В. Гафта вызначаецца тонкай псіхалагічнай прапрацоўкай вобразаў, інтэлектуальнай вастрынёй і іроніяй, якая набліжаецца да едкага сарказму, дакладным вонкавым малюнкам: Глумаў («Балалайкін і К°» паводле М. Салтыкова-Шчадрына), Вяршынін («Тры сястры» А. Чэхава), Рахлін («Кот хатні сярэдняй пушыстасці» У.Вайновіча і Р. Горына), Джордж («Хто баіцца Вірджыніі Вулф?» Э. Олбі) і інш. З 1956 года здымаўся ў кіно: «Забойства на вуліцы Дантэ» (1956), «Кентаўры», «Гараж», «Зладзеі ў законе», «Нябёсы запаветныя», здымаўся ў тэлевізійных пастаноўках. Аўтар вершаў і эпіграм.

Зноскі

↑ Person Profile // Internet Movie Database — 1990. Праверана 15 кастрычніка 2015.
↑ https://tass.ru/kultura/10240093
↑ https://www.5-tv.ru/news/323637/valentin-gaft-umer-useba-doma-vpodmoskove/
↑ Валентина Гафта похоронят 15 декабря на Троекуровском кладбище

Літаратура

Гафт // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 5: Гальцы — Дагон. — 576 с. — 10 000 экз. — ISBN 985-11-0090-0 (т. 5), ISBN 985-11-0035-8.

Спасылкі

На Вікісховішчы ёсць медыяфайлы па тэме Валянцін Іосіфавіч Гафт