У Вікіпедыі ёсць артыкулы пра іншых асоб з прозвішчам Палякоў.
Валерый Уладзіміравіч Палякоў (руск.: Вале́рий Влади́мирович Поляко́в; 27 красавіка 1942, Тула — 7 верасня 2022, Масква) — савецкі і расійскі лётчык-касманаўт, Герой Савецкага Саюза і Герой Расійскай Федэрацыі (адзін з чатырох людзей, удастоеных абодвух званняў), даследчык атрада касманаўтаў ДНЦ ІМБП. 66-ы касманаўт СССР і Расіі, 210-ы касманаўт свету. Уладальнік сусветнага рэкорду самага працяглага палёту ў космас (437 сутак і 18 гадзін у 1994 і 1995 гадах, на борце арбітальнай станцыі «Мір»). Спецыяліст па касмічнай медыцыне.