У Вікіпедыі ёсць артыкулы пра іншых асоб з прозвішчам Стральчонак. Валерый Іванавіч Стральчонак (нар. 15 верасня 1982, Барысаў Мінскай вобласці) — беларускі энергетык, педагог; дэпутат Палаты прадстаўнікоў Нацыянальнага сходу Рэспублікі Беларусь 7-га склікання.
Скончыў Беларускі нацыянальны тэхнічны ўніверсітэт (электразабеспячэнне), Рэспубліканскі інстытут прафесійнай адукацыі (Прафесійная адукацыя), Акадэмію кіравання пры Прэзідэнце Рэспублікі Беларусь (дзяржаўнае і мясцовае кіраванне).
Працаваў электраманцёрам Сельэнерга, Барысаўскага малочнага камбіната, выкладчыкам спецдысцыплін, загадчыкам дзённага аддзялення Жодзінскага дзяржаўнага політэхнічнага каледжа, загадчыкам дзённага аддзялення, намеснікам дырэктара па вытворчым навучанні, кіраўніком практыкі, намеснікам дырэктара па вучэбна-вытворчай рабоце філіяла БНТУ Жодзінскага дзяржаўнага політэхнічнага каледжа.
Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 7-га склікання[1].