«ВАЛЛ-І» (англ.: WALL-E) — амерыканскі анімацыйны фільм студыі «Pixar» 2008 года. Пераможца прэміі «Оскар» (2009) у намінацыі «Найлепшы анімацыйны поўнаметражны фільм».
Робат ВАЛЛ-І з года ў год рупліва працуе на апусцелай Зямлі, чысцячы нашу планету ад гор смецця, якое пакінулі пасля сябе людзі, што адляцелі ў космас. Ён і не ўяўляе, што зусім хутка адбудуцца неверагодныя падзеі, дзякуючы якім ён сустрэне сяброў, падымецца да зорак і нават здолее змяніць да лепшага сваіх былых гаспадароў, якія зусім забыліся пра родную Зямлю.