Буслападобныя (Ciconiiformes) — атрад птушак.
Птушкі атрада буслападобных трымаюцца каля вады, але не ўмеюць ні ныраць, ні плаваць. Яны павольна ходзяць па мелкаводдзі на доўгіх нагах і вылоўліваюць водных жывёл тонкай і доўгай, як пінцэт, дзюбай. Прадстаўнікі атрада, якія часта сустракаюцца ў Беларусі, — гэта шэрая чапля і белы бусел. Радзей сустракаюцца вялікая белая чапля і чорны бусел, занесены ў Чырвоную кнігу Рэспублікі Беларусь.