Бро́ўмаў (чэшск.: Broumov, ням.: Braunau — Бра́ўнау)[4] — горад на поўначы Чэхіі. Размешчаны ў акрузе Нахад Кралавеградзецкага края, каля граніцы з Польшчай. Плошча горада складае 22,26 км²; вышыня над узроўнем мора — 395 м.
Горад быў заснаваны ў 1256 годзе абацтвам бенедыкцінцаў Бржэўнаўскага кляштара ў Празе, якому кароль Пржэмысл Отакар I дараваў гэтыя землі. Пасля пажару 1306 года горад быў адноўлены, у тым ліку кляштар і гарадскія сцены, будаўніцтва якіх скончана да 1380 годзе. Сярэдневяковая царква Дзевы Марыі XII стагоддзя ацалела падчас пажару і з’яўляецца сёння найстарэйшай захаванай драўлянай царквой у Чэхіі.
Рэйхспрэзідэнт Германіі Паўль фон Гіндэнбург памылкова лічыў, што Адольф Гітлер нарадзіўся ў багемскім Браўнау, а не ў верхнеаўстрыйскім Браўнау-ам-Інаў, і за гэта даў мянушку яго «багемскім капралам».
|