Бра́нцава — вёска ў Аршанскім раёне Віцебскай вобласці. Вёска ўваходзіць у склад Вусценскага сельсавета.
Згадваецца ў 1643 як вёска ў складзе Шклоўскай воласці ў Аршанскім павеце ВКЛ[3]. У 1871 г. 18 двароў, уласнасць Сіпайлаў-Рудніцкіх. У 1879 г. працавалі млын і кузня. Напачатку 20 ст. 42 двары, 323 жыхары, 22 дзесяцін зямлі.
Да 16 верасня 1960 года вёска ўваходзіла ў склад Баранскага сельсавета[4], да 22 студзеня 1963 года знаходзілася ў адміністрацыйным падпарадкаванні Баранскага пассавета[5], да 8 красавіка 2004 года ўваходзіла ў склад Першамайскага сельсавета[6].
Па стану на 1.01.1998 г. 23 двары і 27 жыхароў. Зараз фактычна нежылая.