wd wp Пошук: ⬜

Бернард Берансан

У Вікіпедыі ёсць артыкулы пра іншых асоб з прозвішчам Берансан. Бернард Берансан (англ.: Bernard Berenson; 26 чэрвеня 1865, Вільня, Расійская імперыя — 6 кастрычніка 1959, Фларэнцыя) — эксперт, гісторык і мастацтвазнавец ЗША яўрэйска-літоўскага паходжання. Спецыялізаваўся на майстрах італьянскага Адраджэння.

Нарадзіўся ў Расійскай імперыі. Паходзіць з яўрэйскай сям’і. У сувязі з пагрозай яўрэйскіх пагромаў і смерці сям’я эмігравала ў ЗША, куды вывезла 10-гадовага Бернарда. Атрымаў вышэйшую адукацыю ў Гарвардскім універсітэце ЗША.

Сярод яго бліскучых атрыбуцый — пацверджанне арыгінальнасці карціны Леанарда да Вінчы «Мадонна Бенуа» (Мадонна з кветкай), якая належала тады Імператарскаму Эрмітажу.

Берансан — адзін з фігурантаў шумнага судовага працэсу з прыводам атрыбуцыі аднаго з варыянтаў «Дамы з фераньеркаю» таго ж Леанарда ў 1923 годзе. У 1930 г. надрукаваў сваю працу «Італьянскія мастакі эпохі Адраджэння». Скандал быў і па нагоды атрыбуцыі карціны «Пакланенне пастухоў», якую Беренсон адносіў да ранішніх твораў Тыцыяна.

За свае атрыбуцыі (экспертныя ацэнкі) браў 5 працэнтаў камісійных. Сярод яго кліентаў — мільянеры ЗША і Ізабэла Сцюарт Гарднер(руск.) бел.. Стаў вельмі заможным чалавекам, набыў вілу Таці ў Ф’езоле каля Фларэнцыі. Жыў у Італіі пастаянна нават у гады 2-й сусветнай вайны, чым дапякаў фашыстам. Па завяшчанні Б. Берансана віла з усімі мастацкімі каштоўнасцямі перайшла да маёмасці Гарвардскага ўніверсітэта.

Берансану ставяць у віну за недакладнасць некаторых атрыбуцый. Але трэба ацэньваць спецыяліста комплексна — за яго поспехі і няўдачы. Поспехаў было больш, што даказвае вельмі высокі ўзровень збору Музея Ізабэлы Сцюарт Гарднер(руск.) бел. у горадзе Бостан.

Галерэя

Вядомыя палотны, атрыбутаваныя Бернардам Берансанам
Франчэска дзі Джорджа. Шахматысты. Каля 1475. Нью-Ёрк, Метраполітэн
Леанарда да Вінчы. Мадонна Бенуа. Каля 1478. Санкт-Пецярбург, Эрмітаж
Леанарда да Вінчы. Прыгожая Фераньера. 1490—1496. Парыж, Луўр
Джарджонэ (у атрыбуцыі Берансана — Тыцыян). Пакланенне пастухоў. 1500—1510. Вашынгтон, Нацыянальная галерэя мастацтва

Зноскі

↑ Bibliothèque nationale de France data.bnf.fr: платформа адкрытых дадзеных — 2011. Праверана 28 лютага 2020.
↑ Bernard Berenson // Grove Art Online / J. Turner — [Oxford, England], Houndmills, Basingstoke, England, New York: OUP, 1998. — ISBN 978-1-884446-05-4
1 2 3 4 5 6 7 8 http://itatti.harvard.edu/bernard-berenson Праверана 19 кастрычніка 2020.
↑ Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
↑ Bernard Berenson // Encyclopædia Britannica Праверана 9 кастрычніка 2017.
1 2 Kindred Britain
↑ (unspecified title) Праверана 8 ліпеня 2019.
↑ https://19.bbk.ac.uk/article/id/1534/