Басовішча XVII — зборнік, прысвечаны фестывалю «Басовішча-2006», выдадзены ў 2007 годзе. На ім прадстаўлены запісы ўсіх дзесяці ўдзельнікаў конкурснай часткі фестывалю, а таксама 4 трэкі іншых вядомых беларускіх музыкантаў[1].
Усе ўдзельнікі конкурснай часткі фестывалю «Басовішча-2006» у якасці ўзнагароды атрымалі магчымасць запісу адной з сваіх песняў на студыі гуказапісу «ОСМОС». У выніку ў 2007 годзе была складзена плытка з запісаў гэтых гуртоў, а таксама чатырох іншых вядомых беларускіх музыкантаў — IQ48, Indiga, Drum Ecstasy і Neuro Dubel. Прадзюсарам гэтага праекту стаў Павел Юрцэвіч.