wd wp Пошук: ⬜

Барыс Уладзіміравіч Сарвіраў

Барыс Уладзіміравіч Сарвіраў (1 студзеня 1949, г. Сеўск, Бранская вобласць, РСФСР — 9 лютага 2022) — беларускі эканаміст, спецыяліст у галіне эканамічнай тэорыі. Доктар эканамічных навук (2003), прафесар (2005).

Біяграфія

Скончыў Кіеўскае вышэйшае агульнавайсковае каманднае вучылішча імя М. В. Фрунзэ (1971), Ваенную акадэмію імя М. В. Фрунзэ (1983), Беларускі дзяржаўны інстытут народнай гаспадаркі імя В. У. Куйбышава (1990).

Працаваў ва Узброеных Сілах СССР (з 1967), Гомельскім абласным вытворчым аб’яднанні меліярацыі і воднай гаспадаркі (з 1987), Гомельскім дзяржаўным універсітэце імя Ф. Скарыны (з 1990, прафесар кафедры эканамічнай тэорыі і сусветнай эканомікі, у 1997—2020 — загадчык кафедры).

Навуковыя інтарэсы: сучасныя праблемы эканамічнай тэорыі і метадалогіі эканамічнай навукі; трансфармацыйныя працэсы ў сацыяльна-эканамічных сістэмах; эканоміка Германіі.

Бібліяграфія

Модели социального и экономического пространства в основных экономических концепциях Германии (компаративный анализ, логико-генетический аспект) : диссертация … доктора экономических наук : 08.00.01 : защищена 18.04.2003 : утверждена 02.02.2005 / Сорвиров Борис Владимирович. ― Москва, 2002.
Развитие концепции левых радикалов в ФРГ : автореферат диссертации … кандидата экономических наук : 08.00.01 / Сорвиров Борис Владимирович. ― Минск, 1993.
Modern competition and its realization in economic policy / B. V. Sorvirov, A. M. Baranov, E. A. Zapadnyuk. ― Мinsk, 2019.
Адукацыя як грамадская карысць у рыначнай эканоміцы / Б. У. Сарвіраў, А. М. Баранаў // Научные труды Республиканского института высшей школы : Философско-гуманитарные науки. — Минск, 2021. — Вып. 20, ч. 2. — С. 243—249.

Зноскі

Літаратура

Сорвиров Борис Владимирович // Республика Беларусь : энциклопедия : [в 7 т.]. — Минск, 2008. — Т. 7. — С. 38.