У Вікіпедыі ёсць артыкулы пра іншых асоб з прозвішчам Соцкі.
Бары́с Алякса́ндравіч Со́цкі[1] (23 красавіка 1930, Саратаў, Расія — 10 сакавіка 1995) — беларускі фізік-тэарэтык. Доктар фізіка-матэматычных навук (1989), прафесар (1991).
Скончыў Беларускі дзяржаўны ўніверсітэт у 1953 годзе. З 1959 года ў Інстытуце фізікі АН Беларусі (у 1976—1993 гадах загадчык лабараторыі).
Навуковыя працы па малекулярнай оптыцы і лазернай фізіцы. Распрацаваў паслядоўную малекулярную тэорыю электрамагнітных хваль у крышталях. Заклаў асновы квантавастатыстычнай тэорыі аптычных палёў, вызначыў сувязь паміж кагерэнтнасцю і энтрапіяй электрамагнітнага выпрамянення.