wd wp Пошук:
    ⬜

    Баронікі

    Баро́нікі[1] (трансліт.: Baroniki, руск.: Бороники) — былая вёска ў Віцебскім раёне Віцебскай вобласці. Уваходзіла ў склад Ноўкінскага сельсавета. Ліквідавана ў 2011 годзе[2]. Увайшла ў склад горада Віцебска[3].

    Гісторыя

    Вёска ўпамінаецца ў пісьмовых крыніцах у XVI ст. як сяло ў Віцебскім ваяводстве Вялікага Княства Літоўскага. Уваходзіла ў склад фальварка Лукішкі, які ў 1597 г. перададзены Віцебску. У XIX ст. вёска Шчэрбінскай воласці Віцебскага павета і губерні. У 1893 г. была адкрыта школа граматы. Адносілася да праваслаўнага Цяляцінскага прыхода Праабражэнскай царквы. У 1905 г. тут 16 двароў, 135 жыхароў. Вёска — цэнтр сельскагаспадарчай грамады, у якую ўваходзіла 9 вёсак.

    З 20 жніўня 1924 г. Баронікі ў Шумнянскім сельсавеце Віцебскага раёна і акругі. У 1926 г. у вёсцы 40 двароў, 239 жыхароў. У 1930 г. арганізаваны калгас. У 1936 г. сюды пераселены жыхары вёсак Архірэйшчына і Уціношы. У 1941 г. у вёсцы 143 двары, 501 жыхар. Падчас Другой сусветнай вайны нямецкія акупацыйныя ўлады знішчылі тут 4 двары. На фронце загінула 15 жыхароў, у партызанах 1. Пасля вайны вёска адбудавалася. З 22 снежня 1960 г. яна ў Ноўкінскім сельсавеце. У 1969 г. у вёсцы 59 двароў, 189 жыхароў.

    На 1 студзеня 2003 г. — 312 двароў, 739 жыхароў. Вёска ў складзе Камунальнага унітарнага сельгаспрадпрыемства «Рудакова». Працуюць газанапаўняльная станцыя, парнікова-цяплічны камбінат, лясніцтва, магазін.

    Ліквідавана ў 2011 годзе[2]. Увайшла ў склад горада Віцебска[3].

    Славутасці

    Зноскі

    1. ↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
    2. 1 2 Решение Витебского районного Совета депутатов от 24.03.2011 N 94 “Об упразднении сельских населенных пунктов Витебского района”
    3. 1 2 Указ Президента Республики Беларусь от 14.01.2011 №18 “О некоторых вопросах административно-территориального устройства г. Витебска и Витебского района” Архівавана 15 снежня 2017.

    Літаратура

    Спасылкі

    Тэмы гэтай старонкі (6):
    Артыкулы пра населеныя пункты без катэгорыі на Вікісховішчы
    Былыя населеныя пункты Віцебскага раёна
    Артыкулы пра населеныя пункты Беларусі, створаныя аўтаматычна
    Населеныя пункты, якія ўвайшлі ў склад Віцебска
    Населеныя пункты паводле алфавіта
    Населеныя пункты Беларусі з насельніцтвам з Вікідадзеных