Бальдасарэ Перуцы (італ.: Baldassare Tommaso Peruzzi; 15 студзеня 1481, Сіена — 6 студзеня 1536, Рым) — італьянскі архітэктар і жывапісец эпохі позняга Рэнесансу.
Працаваў разам з Даната Брамантэ і Рафаэлем на віле Фарнезіна. Пасля смерці Рафаэля ўзначальваў працу па будаўніцтве Сабора Святога Пятра ў Рыме. Яго апошняй пабудовай стаў Palazzo Massimo alle Colonne у Рыме (1532—1536).
Перуцы пахаваны ў рымскім Пантэоне побач з магілай Рафаэля.
Пэндзлю Перуцы належаць фрэскі ў Санта-Марыя-дэла-Пачэ, Палацца Мадама, рымскіх цэрквах Сант-Анафрыа-аль-Джанікола, Сан-П’етра-ін-Манторыа і Сан-Рока.