Ахмед Фуад II (араб. الملك فؤاد الثاني, нар. 16 студзеня 1952, Каір) — апошні кароль Егіпта і Судана
Фуад II успадкаваў трон пасля адрачэння свайго бацькі Фарука 26 ліпеня 1952 года падчас егіпецкай рэвалюцыі. Знаходзіўся на троне меней года да 18 чэрвеня 1953 года, калі Егіпет быў абвешчаны рэспублікай. Быў апошнім манархам з дынастыі Мухамада Алі, якая кіравала з 1805 года. Пасля гэтага Фуад далучыўся да каралеўскай сям’і ў выгнанні ў Швейцарыі. Вучыўся ў прыватнай школе Institut Le Rosey.