wd wp Пошук: ⬜

Аун Сан Су Чжы

Аун Сан Су Чжы́ (бірм.: အောင်ဆန်းစုကြည်, англ.: Aung San Suu Kyi; нар. 19 чэрвеня 1945, Рангун, Бірма, зараз Янгон, М’янма) — бірманскі палітычны дзеяч, лаўрэат Нобелеўскай прэміі міру (1991). З’яўлялася адной з фігур, падазраваных у ажыццяўленні генацыду мусульман у М’янме[8].

Біяграфічныя звесткі

Дачка лідара руху за незалежнасць Бірмы Аун Сана, забітага ў 1947 годзе. Аўн Сан Су Чжы пакінула Бірму ў 1960 годзе, скончыла Оксфардскі ўніверсітэт, жыла ў Англіі.

У 1972 годзе выйшла замуж за тыбетолага Міхаэля Эйрыса. У іх нарадзілася двое сыноў.

У 1988 годзе вярнулася ў Бірму. У верасні 1988 года стала адным з лідараў апазыцыйнай Нацыянальнай лігі за дэмакратыю. На выбарах у маі 1990 года НЛД атрымала больш за 80 % месцаў у парламенце М’янмы, аднак кіруючы рэжым ігнараваў вынікі выбараў.

Лаўрэат прэміі памяці прафесара Торалфа Рафт (1990). У кастрычніку 1991 года Аун Сан Су Чжы стала лаўрэатам Нобелеўскай прэміі міру, аднак улады не дазволілі ёй выехаць за мяжу, каб атрымаць узнагароду. З 1989 па 1995 і з 2000 па 2002 знаходзілася пад хатнім арыштам. У траўні 2003 года зноў была арыштаваная, пазней змешчаная пад хатні арышт, які падоўжыўся на гэты раз да 13 лістапада 2010 года. Увогуле яна правяла ў турме і пад хатнім арыштам каля 15 гадоў[9]. У 2008 годзе ўзнагароджана найвышэйшай узнагародай ЗША — Залатым медалём Кангрэса.

У лістападзе 2015 года на ўсеагульных выбарах у М’янме апазіцыйная партыя Нацыянальная ліга за дэмакратыю на чале з Аун Сан Су Чжы набрала амаль 90 % галасоў выбаршчыкаў. Яна заявіла, што ў партыі будзе дастаткова галасоў, каб сфармаваць першы ў гісторыі краіны дэмакратычны ўрад[10]. Паводле канстытуцыі краіны, Аун Сан Су Чжы не можа заняць пасаду прэзідэнта, таму што яе муж — брытанец, а ў сыноў замежныя пашпарты.

Затрымана 1 лютага 2021 года пад час ваеннага перавароту.

У мастацтве

Аун Сан Су Чжы прысвечана песня Walk On групы U2.

Зноскі

↑ After Victory in Myanmar, Aung San Suu Kyi Quietly Shapes a Transition / D. Baquet — Manhattan, NYC: The New York Times Company, A. G. Sulzberger, 2015. — ISSN 0362-4331; 1553-8095; 1542-667X Праверана 2 красавіка 2016.
↑ Aung San Suu Kyi // SNAC — 2010. Праверана 9 кастрычніка 2017.
↑ Aung San Suu Kyi - Facts — Nobel Foundation. Праверана 2 красавіка 2016.
1 2 3 Aung San Suu Kyi - Biographical — Nobel Foundation. Праверана 10 красавіка 2016.
↑ (unspecified title) Праверана 8 ліпеня 2019.
↑ Ms Aung San Suu Kyi — International IDEA. Праверана 10 красавіка 2016.
1 2 Profile: Aung San Suu Kyi — 2015. Праверана 2 красавіка 2016.
↑ Аун Сан Су Чжи ответит перед судом ООН за геноцид мусульман
↑ http://www.bbc.com/russian/news/2015/11/151112_myanmar_elections_obama
↑ http://nashaniva.by/?c=ar&i=159769

Спасылкі

На Вікісховішчы ёсць медыяфайлы па тэме Аун Сан Су Чжы