Арха́нгельскі раён (руск.: Архангельский район; башк.: Архангел районы) — адміністрацыйна-тэрытарыяльная адзінка ў цэнтральнай частцы Башкартастана ў Расіі. Адміністрацыйным цэнтрам з’яўляецца сяло Архангельскае.
Архангельскі раён мяжуе з Беларэцкім, Гафурыйскім, Кармаскалінскім і Іглінскім раёнамі, а таксама з Чалябінскай вобласцю. Плошча раёна складае 2421,45 км².
Архангельскі раён быў утвораны 20 жніўня 1930 года ў адпаведнасці з пастановай УЦВК.
Насельніцтва раёна станам на 2017 год складала 17630 чалавек. Паводле перапісу 2010 года большасць складаюць башкіры (45,4 %), далей ідуць татары (38,5 %), рускія (10,6 %) і чувашы (2,4 %).