wd wp Пошук:

Артур Валь

Артур Валь (англ.: Arthur C. Wahl; 8 верасня 1917 — 6 сакавіка 2006) — амерыканскі хімік. Разам з Эміліа Сегрэ і Джозефам Кенэдзі быў членам каманды Глена Сібарга, якая ў 1941 годзе адкрыла плутоній-239[1].

Біяграфія

Валь нарадзіўся 8 верасня 1917 года ў Дэ-Мойне (штат Аёва). У 1939 годзе атрымаў ступень бакалаўра ва Універсітэце Штата Аёва. Для атрымання ступені магістра адправіўся ў Каліфарнійскі ўніверсітэт у Берклі. Там у складзе групы Сібарга працаваў над сінтэзам плутонію.

14 снежня 1940 года была здзейснена першая бамбардзіроўка октааксіду трыўрану-238 (238U3O8) дэйтронамі, якія былі разагнаны ў цыклатроне да 14—22 МэВ і праходзілі праз алюмініевую фольгу таўшчынёй 0,002 цаляў. 24 лютага 1941 года быў праведзены завяршальны эксперымент, падчас якога было эксперыментальна даказана існаванне новага хімічнага элемента — плутонію. У тым жа годзе група сінтэзавала найважнейшы ізатоп — плутоній-239 пасродкам апрамяненьвання ўрану моцна паскоранымі ў цыклатроне нейтронамі[2].

У 1942 годзе атрымаў ступень PhD. У перыяд з 1943 па 1946 год працаваў у Лос-Аламаскай нацыянальнай лабараторыі. Яго даследаванні ў вобласці хіміі плутонію выкарыстоўваліся ў праграме «Праект Манхэтэн».

Пасля вайны па запрашэнні Джозефа Кенэдзі перабраўся ва Універсітэт Вашынгтона ў Сент-Луісе, дзе каля 40 гадоў выкладаў неарганічную хімію.

У 1991 годзе вярнуўся ў Лос-Аламас. Сваю апошнюю працу апублікаваў у 2005 годзе.

Пакутаваў ад хваробы Паркінсана. Памёр 6 сакавіка 2006 года ад пнеўманіі.

Узнагароды

Зноскі

  1. Douglas Page. Glenn Seaborg: Chamberlain of Science Архівавана 28 жніўня 2015. (англ.)
  2. Плутоній, Plutonium, Pu (94) // Хімічная інфармацыйная сетка ChemNet
  3. ACS Award for Nuclear Chemistry (англ.)
Тэмы гэтай старонкі (15):
Катэгорыя·Памерлі ў Санта-Фэ
Катэгорыя·Хімікі ЗША
Катэгорыя·Вучоныя паводле алфавіта
Катэгорыя·Выпускнікі Каліфарнійскага ўніверсітэта ў Берклі
Катэгорыя·Вікіпедыя·Старонкі з неадназначнымі геаланцужкамі
Катэгорыя·Памерлі 6 сакавіка
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Памерлі ў 2006 годзе
Катэгорыя·Нарадзіліся ў 1917 годзе
Катэгорыя·Нарадзіліся ў Дэ-Мойне
Катэгорыя·Нарадзіліся 8 верасня
Катэгорыя·Выпускнікі Універсітэта штата Аява
Катэгорыя·Асобы
Катэгорыя·Лос-Аламаская нацыянальная лабараторыя
Катэгорыя·Супрацоўнікі Лос-Аламаскай нацыянальнай лабараторыі