Гіпаксія — стан кіслароднага галадання як усяго арганізма ў цэлым, так і асобных органаў і тканак, выкліканы рознымі фактарамі: затрымкай дыхання, хваравітымі станамі, малым утрыманнем кіслароду ў атмасферы. З прычыны гіпаксіі у жыццёва важных органах развіваюцца незваротныя змены. Найбольш адчувальнымі да кіслароднай недастатковасці з’яўляюцца цэнтральная нервовая сістэма, цягліца сэрца, тканкі нырак, печані. Можа выклікаць з’яўленне невытлумачальнага пачуцця эйфарыі, прыводзіць да галавакружэння, нізкага цягліцавага тонуса.