Анжаліка Аляксандраўна Ют (сцэнічнае імя: Анжаліка, ANGELIKA, Angelika Yutt, Анжелика Ютт; нар. 5 лістапада 1969, Сімферопаль, Крым, УССР, СССР) — украінская, расійская і беларуская оперная, эстрадная, поп-, хаус- і транс- спявачка, вакальны трэнер, вакальны прадзюсар, кампазітар. Яе голас — каларатурнае сапрана.
Анжаліка Ют нарадзілася ў Сімферопалі 5 лістапада 1969 года. Вучылася ў музычнай школе, затым у Сімферопальскім музычным вучылішчы[1].
У 1988—1989 гады — салістка Крымскага ўкраінскага тэатра драмы і музычнай камедыі [2]. Галоўныя рэпертуарныя ролі: Стася — «Сільва», Ліза — «Марыца», Шурка — «Салодкая ягада».
1990—1991 гады — салістка Маскоўскай абласной філармоніі.
1992 год — салістка ВІА «Чараўніцы».[3]
1993—1997, 2005 гады — салістка Дзяржаўнага канцэртнага аркестра Рэспублікі Беларусь пад кіраўніцтвам Міхаіла Фінберга[4].
У 1993 годзе становіцца лаўрэатам міжнародных вакальных конкурсаў «Маладзечна-93» (Маладзечна, 1993 г., 1-я прэмія)[5] і «Вільня-93» (Вільня, 1993 г., Дыпламант), за што газетай «Звязда» была прызнана «Беларусам Тыдня»[6]. Удзельніца міжнародных фестываляў «Славянскі базар у Віцебску» і «Беластоцкiя Мальвы» (Польшча).
1996 год — выходзіць першы сольны альбом Анжалікі Ют «Бераг Кахання»[7] і першы відэакліп з аднайменнай назвай.
1997—1999 гады — салістка ВІА «Сябры» [8]
1996—1999 — салістка гурта «АНЖАЛIКА»[9]
У 1998 годзе на фестывалі музычных відэакліпаў «Беларускі хіт-парад-98» у дуэце з Уладзімірам Станкевічам становіцца пераможцай у намінацыі «Лепшыя песні года» [10]
З 1999 года пачынае працу над сольным праектам «Анжаліка». З 2002 па 2006 гады праект працуе ў супрацоўніцтве з вядомым маскоўскім прадзюсарам Ігарам Сiлiвёрставым (прадзюсар гуртоў «ВІРУС», «Стрэлкi»).
З 2006 года праект «Анжаліка» пераходзіць пад крыло кампаніі GlobalsounD Production[11]. У 2009 годзе на аўстрыйскім лэйбле Millennium Opera[12] выдаецца эксперыментальны альбом ANGELIKA — «MYSTERY OF TIME» [13], у якім спявачка выконвае творы класічным вакалам (каларатурнае сапрана) у стылях Trance, Progressive House, Ambient, Eurodance. У гэты альбом увайшлі ўпершыню ў свеце вакальна выкананыя Анжалікай Ютт «40-я сімфонія» В. А. Моцарта і «Танец маленькіх лебедзяў» П. І. Чайкоўскага [14]. На сённяшні дзень спявачка з’яўляецца адзінай выканаўцай вакальных версій гэтых твораў.
У 2009 годзе расійская гімнастка Вольга Капранава выступала на чэмпіянатах Свету і Еўропы пад кампазіцыю Анжалікі Ют (ANGELIKA) «Mozart Symphony 40 in dream-mystery» у практыкаваннях са стужкай[15]
C 2009 г. па 2020 год рознымі сусветнымі лэйбламі было выдадзена больш за 15 альбомаў і сінглаў Анжалікі Ют (пад імёнамі ANGELIKA, ANGELIKA YUTT, Анжелика Ютт), як сольных, так і ў супрацоўніцтве з музыкамі з Расіі, Францыі, Фінляндыі і ЗША. У гэты час кампазіцыі спявачкі неаднаразова падымаліся на першыя пазіцыі розных сусветных чартаў і ўваходзілі ў TOP-100 лепшых кампазіцый амерыканскага музычнага магазіна Beatport [16].
У 2011 годзе выйшаў у свет вялікі сольны альбом спявачкі «Анжаліка — The Best» (BVI Production / Містэрыя Гуку), куды ўвайшлі 7 лепшых альбомаў (90 кампазіцый).
У канцы 2013 года Анжаліка Ют першай з расійскіх артыстаў выканала Дзяржаўны Гімн Расійскай Федэрацыі ў стылі soul.[17] Відэаролік з гэтым варыянтам Гімна выклікаў бурную рэакцыю і абмеркаванне ў сацыяльных сетках.[1][18]
Аўтар музыкі і выканаўца Гімна Валачанава, 2019 [19]
Паэт-песеннік, кампазітар, аўтар музыкі і вершаў вялікай колькасці твораў [20], член Расійскага Аўтарскага Таварыства (РАТ) і Прафесійнага Саюза Пісьменнікаў Расіі
Педагог па вакале, вакальны прадзюсар. У 2012 г., у якасці вакальнага трэнера супрацоўнічала з праектам «Праспявай!» тэлеканала СТС.
2012 — «Адвакат» — сведка Галіна[81]
