У Вікіпедыі ёсць артыкулы пра іншых асоб з прозвішчам Уласаў.
Андрэй Андрэевіч Уласаў (14 верасня 1901, сяло Ламакіна Ніжагародская губерня — 1 жніўня 1946, Масква) — савецкі генерал-лейтэнант (з 1942; пазбаўлены звання пасля прысуду). 20 красавіка 1942 года быў прызначаны камандуючым 2-га ўдарнага войска, застаючыся па сумяшчальніцтве намеснікам камандуючага Волхаўскага фронту. Падчас вайны трапіў у палон, пайшоў на супрацоўніцтва з нацыстамі, стаў кіраўніком ваеннай арганізацыі калабарацыяністаў з савецкіх ваеннапалонных — Рускай вызваленчай арміі (РВА).
У 1944 г. узначаліў Камітэт вызвалення народаў Расіі. У 1945 г. быў захоплены ў палон і пакараны смерцю разам з іншымі членамі камітэта.