wd wp Пошук: ⬜

Анатоль Апанасавіч Тозік

У Вікіпедыі ёсць артыкулы пра іншых асоб з прозвішчам Тозік. Анатолій Апанасавіч Тозік (13 сакавіка 1949, вёска Казанск, Калінкавіцкі раён Гомельская вобласць) — беларускі дзяржаўны дзеяч і дыпламат.

Біяграфія

Скочыў гістарычны факультэт Беларускага дзяржаўнага ўніверсітэта (1971). Кандыдат гістарычных навук (1974).

З 1974 да 1979 года працаваў выкладчыкам, старшым выкладчыкам, дацэнтам і сакратаром камітэта камсамола БДУ.

У 1980 скончыў Вышэйшыя курсы КДБ СССР у Мінску. Да 1994 года працаваў у органах бяспекі, потым да 2000 года на кіруючых пасадах у Савеце бяспекі Рэспублікі Беларусь.

З 22 ліпеня 2000 года быў старшынёй Камітэта дзяржаўнага кантролю Рэспублікі Беларусь [1], членам Савета бяспекі Рэспублікі Беларусь і членам Прэзідыума Савета міністраў Рэспублікі Беларусь.

13 красавіка 2006 года быў зняты з пасады старшыні Камітэта дзяржаўнага кантролю і прызначаны Надзвычайным і Паўнамоцным Паслом Рэспублікі Беларусь у Кітайскай Народнай Рэспубліцы [2]. 28 снежня 2010 года быў адстаўлены з гэтай пасады і прызначаны намеснікам прэм’ер-міністра Рэспублікі Беларусь[3]. З 27 снежня 2014 у адстаўцы.

Затым узначаліў Рэспубліканскі інстытут кітаязнаўства імя Канфуцыя.

Узнагароды

Ордэн Айчыны III ступені — 9 красавіка 1997 года[4].
Ордэн Святога роўнаапостальнага князя Уладзіміра III ступені (Руская праваслаўная царква; 2013)[5].

Зноскі

Спасылкі

Профіль на праекце «Хто ёсць хто ў РБ» (руск.)
Біяграфія на старонцы пасольства ў Кітаі (па стане на 20 лістапада 2009 года) Архівавана 2 кастрычніка 2009. (ням.)
На Вікісховішчы ёсць медыяфайлы па тэме Анатоль Апанасавіч Тозік