Амбруаз Парэ (фр.: Ambroise Paré; каля 1510, Бур-Эрсан, каля Лаваль, Францыя — 20 снежня 1590, Парыж) — французскі хірург, які лічыцца адным з бацькоў сучаснай медыцыны.
Парэ быў прыдворным хірургам пры каралях Генрыху II, Францыску II, Карле IX і Генрыху III. Парэ належыць шэраг інавацый у галіне лячэння ран, а таксама вынаходства і ўдасканаленне хірургічных інструментаў і пратэзаў. Увёў захоп крывацечных сасудаў інструментамі і іх лігатуру, стварыў вучэнне аб агнястрэльных ранах і даказаў, што яны адносяцца да групы выцятых, а не атручаных ран, адмовіўся ад варварскіх метадаў іх лячэння (залівання ран кіпячым алеем).