wd wp Пошук: ⬜

Аляксей Васілевіч Лыкаў

У Вікіпедыі ёсць артыкулы пра іншых асоб з прозвішчам Лыкаў. Аляксе́й Васі́левіч Лы́каў (20 верасня 1910, Кастрама, Расія — 28 чэрвеня 1974) — савецкі і беларускі вучоны ў галіне цепла- і масапераносу. Акадэмік Акадэміі навук Беларусі (1956), доктар тэхнічных навук (1940), прафесар (1941). Заслужаны дзеяч навукі і тэхнікі РСФСР (1957).

Біяграфія

Скончыў Яраслаўскі педагагічны інстытут (1930). З 1956 дырэктар Інстытута цепла- і масаабмену АН Беларусі, адначасова загадчык кафедры БДУ.

Навуковы ўклад

Навуковыя працы па цепла- і масапераносе, цеплаправоднасці, тэарэтычных асновах будаўнічай цеплафізікі, тэорыі сушкі.

Атрымаў сістэму дыферэнцыяльных ураўненняў для апісання сумеснага пераносу цяпла і масы, выкарыстаў гіпербалічнае ўраўненне для апісання працэсу цеплаправоднасці руху вадкасці ў капілярах, развіў метады рашэння спалучаных задач цепла- і масаабмену.

Узнагароды і памяць

Дзяржаўная (Сталінская) прэмія СССР 1951.

Імем Лыкава названы Інстытут цепла- і масаабмену Нацыянальнай акадэміі навук Беларусі.

Творы

Теоретические основы строительной теплофизики. Мн., 1961.
Теория тепло- и массопереноса. М.; Л., 1963 (разам з Ю. А. Міхайлавым).
Теория сушки. 2 изд. М., 1968.

Зноскі

↑ Lykov A. V Alekseĭ Vasilʹevich) // VIAF ID Праверана 9 кастрычніка 2017.

Літаратура

Лыкаў Аляксей Васілевіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 382. — 10 000 экз. — ISBN 985-11-0035-8. — ISBN 985-11-0155-9 (т. 9).
Лыкаў Аляксей Васілевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 440. — 800 с. — 5 000 экз. — ISBN 985-11-0026-9.

Спасылкі

Аляксей Васілевіч Лыкаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)