wd wp Пошук: ⬜

Аляксандр Сяргеевіч Даргамыжскі

У Вікіпедыі ёсць артыкулы пра іншых асоб з прозвішчам Даргамыжскі. Аляксандр Сяргеевіч Даргамы́жскі (17 лютага 1813, с. Троіцкае, цяпер Тульская вобласць, Расія — 17 студзеня 1869) — рускі кампазітар; адзін з заснавальнікаў рускай класічнай музычнай школы (разам з М. Глінкам). Атрымаў рознабаковую (у т. л. музычную) хатнюю адукацыю.

Творчасць

Паслядоўнік М. Глінкі, самабытна развіваў яго традыцыі. Верны аснощным прынцыпам народнасці, нацыянальнай характэрнасці музыкі, Даргамыжскі праклаў новыя шляхі ў рускім музычным мастацтве, абнавіў прыёмы і сродкі музычнай выразнасці.

Яго найбольш вядомы твор — опера «Русалка» (1856) знаменавала нараджэнне новага жанру — народна-бытавой псіхалагічнай музычнай драмы. На аснове меладызаванага рэчытатыву, блізкага да жывых інтанацый гаворкі, стварыў тып рэчытатыўнай оперы («Каменны госць [ru]» на тэкст А. С. Пушкіна; скончана Ц. Кюі і М. Рымскім-Корсакавым, 1872). Даргамыжскі ўпершыню ўвасобіў у музыцы тэму сацыяльнай няроўнасці, узбагаціў жанры вакальнай лірыкі: рамансы «Я вас любіў», «Вяселле», «Начны зефір», «I сумна, і нудна», песня «Млынар», драматычная песня «Стары капрал», сатырычна-камічныя песні «Чарвяк», «Тытулярны саветнік». 3 іншых твораў: опера «Эсмеральда» (1847), опера-балет «Трыумф Вакха» (1848); для аркестра: жарт-фантазія «Баба-яга, або 3 Волгі nach Riga» (1862), «Маларасійскі казачок» (1864), «Чухонская фантазія» (1867).

Даргамыжскі акрэсліў новыя шляхі ў оперным і камерна-вакальных жанрах, якія вядуць да творчасці М. Мусаргскага, П. Чайкоўскага і інш. рускіх кампазітараў.

Зноскі

1 2 Alexander Dargomyzhsky // SNAC — 2010. Праверана 9 кастрычніка 2017.
↑ Alexander Dargomyzhsky // Find a Grave — 1995. Праверана 9 кастрычніка 2017.
↑ Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
↑ Aleksandr Dargomyzhsky // International Music Score Library Project — 2006. Праверана 9 кастрычніка 2017.
↑ Find a Grave — 1995. Праверана 29 жніўня 2019.
1 2 Czech National Authority Database Праверана 23 лістапада 2019.
↑ Даргомыжский Александр Сергеевич // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.

Літаратура

Н. М. Юдзеніч. Даргамыжскі Аляксандр Сяргеевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 6: Дадаізм — Застава. — 576 с. — 10 000 экз. — ISBN 985-11-0106-0 (т. 6), ISBN 985-11-0035-8.
Пекелис М. Даргомыжский и народная песня. М. ; Л., 1951;
Пекелис М. А. С. Даргомыжский и его окружение. Т. 1—3. М., 1966—1983;
Скудина Г. Даргомыжский — восхождение к правде // Муз. жизнь. 1984. № 5.

Спасылкі

На Вікісховішчы ёсць медыяфайлы па тэме Аляксандр Сяргеевіч Даргамыжскі
Соловьёв Н. Ф. Даргомыжский, Александр Сергеевич // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.
Аляксандр Сяргеевіч Даргамыжскі: Ноты твораў на International Music Score Library Project