У Вікіпедыі ёсць артыкулы пра іншых асоб з падобнымі імёнамі, гл. Бельскі і Аляксандр Бельскі.
Аляксандр Міхайлавіч Бельскі (17 снежня 1944, в. Ячонка, Стаўбцоўскі раён, Мінская вобласць — 17 сакавіка 2001) — беларускі фізік-оптык. Доктар фізіка-матэматычных навук (1997), прафесар.
Скончыў Беларускі дзяржаўны ўніверсітэт (спецыяльнасць «Фізіка», 1966; аспірантура, 1972).
Працаваў у Беларускім дзяржаўным універсітэце (з 1966, фізічны факультэт, кафедра фізічнай оптыкі, прафесар, у 1979—1981 — загадчык кафедры).
Навуковыя інтарэсы: оптыка кагерэнтных светлавых пучкоў; гісторыя развіцця прыродазнаўства ў Вялікім Княстве Літоўскім.