Аляксандр Мікалаевіч Шубскі (нар. ?, Жабінкаўскі раён, Брэсцкая вобласць) — беларускі дзяржаўны дзеяч.
Нарадзіўся ў Жабінкаўскім раёне Брэсцкай вобласці. У 1987 годзе скончыў Гомельскі кааператыўны інстытут, атрымаўшы дыплом спецыяліста па бухгалтарскім уліку і аналізе гаспадарчай дзейнасці. Па накіраванні прыехаў у Мёрскі раён, дзе адразу ж быў прызначаны намеснікам старшыні праўлення райспажыўсаюза па гандлі, у 1988—1997 гадах узначальваў арганізацыю. На працягу пяці гадоў працаваў дырэктарам райпаліўзбыту, двух гадоў—хлебазавода. Да гэтага часу скончыў Акадэмію кіравання пры Прэзідэнце Рэспублікі Беларусь. У 2008 годзе быў прызначаны на пасаду старшыні Расонскага раённага выканаўчага камітэта[1].
З 15 чэрвеня 2017 года працаваў начальнікам фінансавага аддзела Мёрскага райвыканкама[1]. 29 ліпеня 2019 года прызначаны на пасаду старшыні Глыбоцкага раённага выканаўчага камітэта[2].
Адзначаны Ганаровай граматай аблвыканкама.
Жанаты, мае дачку.