Аляксандр Кабанель (фр.: Alexandre Cabanel; 28 верасня 1823, Манпелье — 23 студзеня 1889, Парыж) — французскі мастак, прадстаўнік акадэмізму.
Кабанель нарадзіўся ў 1823 годзе ў Манпелье на поўдні Францыі. У 1840 годзе ён паступіў у Школу вытанчаных мастацтваў у майстэрню Франсуа Піко. У 1845 годзе ён быў ганараваны Вялікай Рымскай прэміяй за карціну «Хрыстос перад суддзямі».
У 1863 годзе выставіў на Салоне палатно «Нараджэнне Венеры» — яно мела такі поспех, што было набыта Напалеонам III для сваёй асабістай калекцыі.