wd wp Пошук: ⬜

Аляксандр Аркадзевіч Шлык

Аляксандр Аркадзевіч Шлык (1 лістапада 1928, Мінск — 30 лістапада 1984) — беларускі вучоны ў галіне біяхіміі і біяфізікі фотасінтэзу. Член-карэспандэнт АН СССР (1966). Доктар біялагічных навук (1963), прафесар (1965).

Біяграфія

Скончыў БДУ у 1950 годзе.

З 1950 года ў Інстытуце біялогіі АН Беларусі.

З 1957 года загадчык лабараторыі біяфізікі і ізатопаў, з 1973 года дырэктар створанага на яе базе Інстытута фотабіялогіі АН Беларусі.

Аўтар навуковых прац па біягенезе пігментнага апарату фотасінтэзу.

Абгрунтаваў існаванне і высветліў асноўныя заканамернасці працэсу аднаўлення хларафілу, выявіў метабалічную гетэрагеннасць пігментаў. Паказаў, што хларафіл b сінтэзуецца з лабільных малекул хларафілу a; стварыў канцэпцыю цэнтраў біясінтэзу хларафілу і высветліў асноўныя прынцыпы іх функцыянавання.

Некаторыя працы

Метод меченных атомов в изучении биосинтеза хлорофилла. Мн., 1956
Метаболизм хлорофилла в зеленом растении. Мн., 1965
Chlorophyle biosynthesis in etiolated and greening leaves // Advamces in Photosynthesis Research. The Hague, 1984

Зноскі

1 2 Шлык Александр Аркадьевич // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 25 лютага 2017.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.

Спасылкі

Людзі беларускай навукі: Член-корреспондент АН СССР А. А. Шлык. Воспоминания современников. — Мн., 2005.(руск.) // Інстытут біяфізікі і клетачнай інжынерыі НАН Беларусі