wd wp Пошук: ⬜

Аляксандр Антонавіч Гадуноў

У Вікіпедыі ёсць артыкулы пра іншых асоб з прозвішчам Гадуноў. Аляксандр Антонавіч Гадуно́ў[1] (2 верасня 1921 — 10 лютага 1994 [2]) — вучоны-эканаміст, доктар эканамічных навук (1977), прафесар (1979).

Біяграфія

Нарадзіўся ў вёсцы Фашчаўка (Гомельская губерня, зараз у Шклоўскім раёне Магілёўскай вобласці Беларусі). Скончыў сярэднюю школу і паступіў на вучобу ў Ленінградскі ўніверсітэт [2]. У час Вялікай Айчыннай файны на фронце[2], танкіст, гвардыі старшы лейтэнант [3]. У 1950 годзе скончыў Усесаюзны завочны юрыдычны інстытут[1]. З 1950 г. у Ленінградскім дзяржаўным універсітэце — аспірант, прафесар, дэкан эканамічнага факультэта. На працягу 5 гадоў займаў пасаду загадчыка кафедрай упраўлення вытворчасцю Ленінградскага інжынерна-эканамічнага інстытута імя П. Тальяці[2]. З 1976 г. у Беларускім дзяржаўным інстытуце народнай гаспадаркі, дзе да 1991 г. займаў пасаду загадчыка кафедрай упраўлення. З 1991 г. працаваў у Акадэміі кіравання.

Памёр А. А. Гадуноў 10 лютага 1994 г., пахаваны на радзіме[2].

Навуковая дзейнасць

А. А. Гадунову належаць навуковыя працы па ўдасканаленню структуры і метадаў кіравання. З’яўляецца заснавальнікам навукова-педагагічнай школы кіравання вытворчасцю Беларускага дзяржаўнага эканамічнага ўніверсітэта[4]. Падрыхтаваў 13 кандыдатаў эканамічных навук[2]. З’яўляецца аўтарам больш за 50 навуковых прац[2].

Сярод апублікаванага:

Введение в теорию управления: (cистема промышленного производства) / А. А. Годунов. — Москва: Экономика, 1967. — 280 с.: схем.; 20 см. — 17000 экз.
Вопросы теории управления производством. — Л., 1969.
Методика оценки деловых и морально-политических качеств руководителей и специалистов промышленных предприятий / А. А. Годунов, П. С. Емшин ; Ленинградский государственный университет им. А. А, Жданова, Научно-исследовательский институт комплексных социальных исследований, Лаборатория социальных проблем управления. — Ленинград: [б. и.], 1970. — 23 с.; 21 см. — 1000 экз.
Социально-экономические проблемы управления социалистическим производством. — М., 1975.
Роль науки управления социалистическим производством. — Мн. 1986.

Узнагароды

Ордэн Аляксандра Неўскага,
ордэны Айчыннай вайны I і II ступені,
медалі і ганаровыя граматы[2].

Зноскі

1 2 Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым.
1 2 3 4 5 6 7 8 Выдатныя вучоныя — нашы землякі. Гадуноў Аляксандр Антонавіч // Сайт Шклоўскай БС
↑ Великая Победа — Годунов Александр Антонович (1921—1994) Архівавана 2 студзеня 2018.(руск.) // Санкт-Пецярбургскі дзяржаўны ўніверсітэт
↑ Иформация о научно-педагогической школе управления производством учреждения образования «Белорусский государственный экономический университет»(руск.)

Літаратура

Гадуноў Аляксандр Антонавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. — 480 с. — 10 000 экз. — ISBN 985-11-0090-0 (т. 4), ISBN 985-11-0035-8. — С. 422.

Спасылкі

Выдатныя вучоныя — нашы землякі. Гадуноў Аляксандр Антонавіч // Сайт Шклоўскай БС