У Вікіпедыі ёсць артыкулы пра іншых асоб з падобнымі імёнамі, гл. Бельскі і Аляксандр Бельскі.
Аляксандр Іванавіч Бельскі (нар. 23 ліпеня 1963, в. Цімкавічы, Капыльскі раён, Мінская вобласць) — беларускі літаратуразнавец, пісьменнік. Доктар філалагічных навук (1998), прафесар (2002).
Скончыў Беларускі дзяржаўны ўніверсітэт (філалагічны факультэт, спецыяльнасць «Беларуская мова і літаратура, руская мова і літаратура», 1986).
Працуе ў Беларускім дзяржаўным універсітэце (філалагічны факультэт, кафедра гісторыі беларускай літаратуры, прафесар).
Навуковыя інтарэсы: гісторыя беларускай літаратуры XX—XXI стст.; літаратурная крытыка.