Аляксандра Леанідаўна Чарткова (нар. 27 снежня 1955, в. Ельня Краснапольскага раёна Магілёўскай вобласці) — беларускі ўрач і палітык.
Скончыла 2-і Маскоўскі дзяржаўны медыцынскі інстытут імя М. І. Пірагова, урач-лячэбнік. Пасля заканчэння інстытута працавала ўрачомінтэрнам па тэрапіі, урачом-тэрапеўтам гарадской бальніцы № 17 г. Уфы Башкірскай АССР, урачом-тэрапеўтам, намеснікам галоўнага ўрача па медыцынскаму абслугоўванню сельскага насельніцтва Краснапольскай цэнтральнай раённай бальніцы Магілёўскай вобласці, загадчыкам тэрапеўтычнага аддзялення, намеснікам галоўнага ўрача па лячэбных пытаннях Чэрыкаўскай цэнтральнай раённай бальніцы Магілёўскай вобласці. Галоўны ўрач установы аховы здароўя «Чэрыкаўская цэнтральная раённая бальніца».
Выбіралася членам Савета Рэспублікі Нацыянальнага сходу Рэспублікі Беларусь 3-га склікання[1].
Узнагароджана ордэнам «Знак Пашаны», юбілейным медалём «90 год Узброеных Сіл Рэспублікі Беларусь», Ганаровай граматай Нацыянальнага сходу Рэспублікі Беларусь[2].