Альфрэд Лотар Вегенер[5] (ням.: Alfred Lothar Wegener; 1 лістапада 1880, Берлін, Германская імперыя — 2 лістапада 1930, Грэнландыя) — нямецкі геолаг і метэаролаг, стваральнік тэорыі дрэйфу мацерыкоў.
Альфред наведвае «Кёльнскую гімназію» у Берліне. Яго любімыя прадметы: фізіка і хімія. Акрамя таго, будучы геолаг і падарожнік актыўна займаецца спортам. Яго мара: стаць астраномам. У 1899 годзе ён сканчае школу з лепшым атэстатам у класе і паступае ва ўніверсітэт імя Фрыдрыха Вільгельма ў Берліне, дзе вучыцца матэматыцы, астраноміі і метэаралогіі. На другім семестры Вегенер пераходзіць у Гайдэльбергскі ўніверсітэт, але не наведвае ні адной лекцыі, аддаючы перавагу фехтаванню і піву. Пасля гэтага ён вяртаецца ў Берлін і прысвячае сябе вучобе. У 1904 годзе Вегенер абараняе дысертацыю.