Алько́вічы[2] (трансліт.: Aĺkovičy, руск.: Ольковичи) — вёска ў Вілейскім раёне Мінскай вобласці Беларусі. Уваходзіць у склад Ільянскага сельсавета.
У 1800 г. сяло, уласнасць Леана Гарайна, 10 двароў, 71 жыхар; уніяцкая царква, карчма, 2 кірмашы штогод. У 1866 г. сяло, у Крайскай воласці Вілейскага павета; касцёл, 1 кірмаш у год. У 1923 г. мястэчка, цэнтр гміны, 28 двароў, 170 жыхароў. У 1938 г. мястэчка, у Ільянскай вясковай гміне, 44 двары, 311 жыхароў. У 2003 г. вёска, цэнтр сельсавета. 20 двароў, 40 жыхароў; урачэбная амбулаторыя, магазін.
Да 28 мая 2013 года вёска ўваходзіла ў склад Альковіцкага сельсавета[3].
Вёска знаходзіцца за 43 км у напрамку на ўсход ад горада Вілейка, за 102 км ад Мінска[4], за 3 км на поўнач ад аўтамабільнай дарогі Р63[5].