.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}
Алегранса (ісп.: Alegranza) — невялікі востраў у складзе Канарскага архіпелага . Плошча — 10,102 км². Сталага насельніцтва няма.
Востраў Алегранса месціцца за 16,56 км на поўнач ад большага па плошчы вострава Лансаротэ. Мае вулканічнае паходжанне. Вылучаюцца 4 вулканічныя конусы. Найвышэйшы Ла-Кальдера (298 м) знакаміты сваім кратарам, чый дыяметр дасягае 1,3 км. Большую частку паверхні займае лававае плато. На поўначым беразе вылучаецца пляж з белым пяском.
З-за засушлівых кліматычных умоў травяністыя расліны пакрываюць толькі частку паверхні. Пераважаюць розныя галафіты, жаўтазель, інтрадуцыраваны шызы тытунь. Дзякуючы багаццям рыбных рэсурсаў у навакольных водах на Алегрансе гняздуюць шматлікія марскія птушкі, у тым ліку рэдкія віды буравеснікаў, сакаліных, скоп. На сушы таксама сустракаюцца геконы.
На працягу XVI — XX стст. прадпрымалася некалькі спроб засялення вострава Алегранса. У першай палове XX ст. тут была заснавана прыватная гаспадарка, уладальнікі якой займаліся земляробствам і жывёлагадоўляй. Аднак з-за нястачы пітной вады яна была ліквідавана. Захаваліся рэшткі некалькіх пабудоў той пары.
У нашы дні востраў застаецца прыватнай маёмасцю, і яго наведванне магчыма толькі з дазволу ўладальнікаў, што стала жывуць на Лансаротэ. Дзейнічае аўтаматычны маяк.