.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Адрыян VI (Hadrian Florenszoon; 2 сакавіка 1459 — 14 верасня 1523), Папа Рымскі (1522—1523).
Сын рамесніка з Утрэхта. Выхоўваўся за кошт брацтва агульнажыцця, вывучаў багаслоўе і царкоўнае права ў Лёвене, дзе быў потым прафесарам. У 1507 па даручэнні імператара Максіміліяна выхоўваў яго ўнука, будучага імператара Карла V, з 1517 — кардынал. 9 студзеня 1522 абраны папай.[2] Адрыян VI на гэты час знаходзіўся ў Іспаніі і не спяшаўся прыехаць у Рым і ягоная каранацыя адбылася толькі 31 жніўня 1522, стаўшы папай ён не змяніў сваё імя[3].
У палітыцы Адрыян VI арыентаваўся на Габсбургаў і шукаў замірэння з прадстаўнікамі рэфармацыі[3]. Нягледзячы на свае перакананні, што рэформы ў каталіцкай царкве неабходныя, ён зрабіў на гэтым шляху няшмат, бо сустрэў моцны супраціў[2]. Адрыян VI — апошні Папа неітальянскага паходжання аж да пантыфікату Яна Паўла II[3].