wd wp Пошук: ⬜

Адольф Косарак

Адольф Ко́сарак (чэшск.: Adolf Kosárek; 6 студзеня 1830, Гералец каля г. Гумпалец, Маравія — 30 кастрычніка 1859, Прага) — чэшскі жывапісец; адзін з заснавальнікаў нацыянальнай школы рэалістычнага пейзажа 19 ст.

Біяграфія

А. Косарак пачаў маляваць яшчэ ў дзяцінстве, аднак сціснутыя жыццёвыя акалічнасці не дазволілі яму адразу прысвяціць сябе мастацкай творчасці. Толькі пры фінансавай падтрымцы архібіскупа Пражскага Б. Шварцэнберга і ва ўзросце больш за 20-ці год Косарак паступае ў Пражскую акадэмію мастацтваў, якую скончыў ў 1855 годзе. Быў вучнем і паслядоўнікам мастацкай школы Макса Гаўсгофера.

А. Косарак шмат падарожнічаў, наведаў Баварыю, Альпы; ў 1856 годзе — востраў Руген.

Мастак памёр ад сухотаў ва ўзросце 29 гадоў.

Творчасць

Творчасці ўласцівы паступовы пераход ад пейзажа ідэалізавана-рамантычнага да заснаванага на непасрэдным назіранні натуры, прастата матываў і паэтычнае адлюстраванне станаў прыроды, перадача асаблівасцей ландшафту Чэхіі і Маравіі: «Змрок» (1853), «Матыў з Пардубіцаў» (1854), «Пейзаж з каменным мостам» (1855), «Чэшскі пейзаж» (каля 1858), «Пейзаж з капліцай» (каля 1859) і інш. Многія яго работы выстаўлены ў Нацыянальнай галерэі, у горадзе Прага.

Выбраныя палотны

Bouře na horách (Бура ў гарах)
Před bouří (Перад бурай)
Selská svatba (Сельскае вяселле)
Česká krajina (Чэшскі край)
Horské jezero v bouři (Горнае возера ў буру)
Stmívání
Podzimní jitro
Motiv od Pardubic
Krajina s čápem
Rovina pod mraky
Krajina s větrným mlýnem
Zimní noc
Hřbitov u moře
Osamělá krajina
Motiv z Kokořínských údolí
Krajina s poutníky
Krajina s procesím
Zimní večer
Krajina s dřevěným mostem
Krajina s kaplí
1858 — Letní krajina
Krajina s povozem na úvozové cestě

Галерэя

Горны край
Поле перад бурай (1855)
Пейзаж з каменным мостам
Пейзаж з ветраком
Від на воз з белым дахам
Перад бурай
Марскі прыбой (1856)
Прага, памятная дошка ў гонар А.Косарака.
сялянская вяселле (1858)

Зноскі

↑ RKDartists Праверана 23 жніўня 2017.
1 2 Adolf Kosarek — 2006. — ISBN 978-0-19-977378-7
1 2 3 The Fine Art Archive — 2003. Праверана 1 красавіка 2021.
↑ Adolf Kosárek // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag Праверана 9 кастрычніка 2017.
1 2 Czech National Authority Database Праверана 23 лістапада 2019.
↑ BillionGraves — 2011. — ed. size: 125000000

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.

Спасылкі

На Вікісховішчы ёсць медыяфайлы па тэме Адольф Косарак