wd wp Пошук:
    ⬜

    Экстаз Святой Тэрэзы

    Экстаз Святой Тэрэзы (італ.: Estasi di santa Teresa d’Avila) — алтарная група ў капэле Карнара ў рымскай царкве Санта-Марыя-дэла-Віторыа, створаная ў 1645—1652 гадах Джавані Ларэнца Берніні па заказе венецыянскага кардынала Федэрыка Віторыа.

    Апісанне

    Скульптура прысвечана Святой Тэрэзе, іспанскай манашцы і каталіцкай святой, якая жыла ў XVI стагоддзі. У адным з лістоў Святая Тэрэза распавяла, як аднойчы ў сне «да яе з’явіўся анёл у цялесным вобразе» і працяў ёй улонне залатой стралой з вогненным канцом, з-за чаго яна зведала «салодасную пакуту».[1] Берніні ўвасобіў гэта містычнае бачанне ў мармуры.

    Скульптуры, выкананыя з белага карарскага мармуру, размешчаны ў алтарнай нішы сярод калон з каляровага мармуру, на фоне пазалочаных бронзавых прамянёў, якія сімвалізуюць боскае святло. Святая Тэрэза пагружана ў стан духоўнага азарэння, задраўшы галаву, абхопленая знямогай святая ляжыць на аблоках, анёл, які стаіць побач, накіроўвае ў яе сэрца залатую стралу.

    Зноскі

    1. ↑ Ларэнца Берніні. Жыццё і творчасць — біяграфія. Bernini, Gian Lorenzo

    Літаратура

    Спасылкі

    Тэмы гэтай старонкі (6):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·З’явіліся ў 1652 годзе
    Катэгорыя·З’явіліся ў 1645 годзе
    Катэгорыя·Працы Джавані Ларэнца Берніні
    Катэгорыя·Скульптура барока
    Катэгорыя·Скульптуры паводле алфавіта