«Форма вады» (англ.: The Shape of Water) — мастацкі фільм 2017 года рэжысёра Гільерма дэль Тора[8]. Галоўныя ролі ў фільме выканалі Салі Хокінс, Майкл Шэнан, Рычард Джэнкінс, Даг Джонс, Майкл Стулбарг, Актавія Спенсер.
У фільме распавядаецца пра жыццё нямой дзяўчыны Элайзы Эспазіта, якая ў разгар халоднай вайны працуе ў сакрэтнай лабараторыі ў ЗША прыбіральшчыцай. Яна становіцца сведкай таго, як там вывучаюць і катуюць незвычайную істоту-амфібію. Калі яна разумее, што яго могуць забіць, Элайза вырашае выратаваць яго ў што б там ні стала[9].
Паводле інфармацыі сайта «Internet Movie Database» фільм быў адзначаны 138 кінаўзнагародамі і яшчэ 349 намінацыямі[10].