wd wp Пошук: ⬜

Уільям Холман Хант

У Вікіпедыі ёсць артыкулы пра іншых асоб з прозвішчам Хант.

Уі́льям Хо́лман Хант (англ.: William Holman Hunt; 2 красавіка 1827 — 7 верасня 1910) — англійскі жывапісец, адзін з заснавальнікаў Брацтва прэрафаэлітаў. Сапраўднае імя — Уільям Хобман Хант, аднак Хант сам змяніў другую частку імя, а пад канец жыцця яна злілася з прозвішчам: Holman-Hunt.

Біяграфія

Хант быў студэнтам Каралеўскай акадэміі мастацтваў, дзе пазнаёміўся з Міле і Дантэ Габрыэлем Расеці і разам з імі заснаваў «Брацтва прэрафаэлітаў» (англ.: Pre-Raphaelite Brotherhood).

Спачатку карціны Ханта не былі асабліва папулярныя, але затым ён набывае вядомасць. Пабыўшы два гады (1854-55) на Усходзе, ён напісаў адну з самых вядомых сваіх карцін — «Святло свету», якая ўзбудзіла ў мастацкай крытыцы гарачыя спрэчкі. Холман Хант быў адзіным, хто да канца застаўся верны дактрыне Брацтва прэрафаэлітаў і захаваў іх маляўнічыя ідэалы да самай смерці, аднак урэшце яму прыйшлося кінуць жывапіс з-за зроку, які ўсё пагаршаўся, і апошняя карціна — «Лэдзі з Шалота» (англ.: The Lady of Shalott) — была скончана памочнікам, Эдвардам Х’юзам. Хант таксама з’яўляецца аўтарам аўтабіяграфій «Прэрафаэлітызм» (англ.: Pre-Raphaelitism) і «Брацтва прэрафаэлітаў» (англ.: Pre-Raphaelite Brotherhood), мэта якіх — пакінуць дакладныя звесткі пра паходжанне Брацтва і яго членаў.

Хант жаніўся двойчы. Пасля няўдалых заручын са сваёй мадэллю Ані Мілер, ён жаніўся на Фані Во, якая затым паслужыла мадэллю для Ізабелы. Фані памерла пры родах у Італіі і была пахавана на Англійскіх могілках у Фларэнцыі побач з магілай Элізабет Браўнінг. Другая жонка Ханта, Эдзіт, была сястрой Фані. У тыя часы ў Англіі было незаконна жаніцца на сястры загінулай жонкі, і Хант быў вымушаны паехаць для гэтага за мяжу. Гэта жаніцьба прывяла да сур’ёзнай спрэчкі з астатнімі членамі сям’і, асабліва з яго былым калегам-прэрафаэлітам Томасам Вулнерам, жанатым на сястры Фані і Эдзіт Алісе.

Вядомыя карціны

«Аўтапартрэт у чатырнаццацігадовым узросце» (Self-portrait at the Age of 14, 1841, Оксфард)
«Ф. Д. Стывенс» (F.G. Stephens, 1847, галерэя Тэйт, Лондан)
«Ісус і дзве Марыі» (Christ and the Two Marys, 1847 і 1897)
«Рыенцы» (Rienzi vowing to obtain justice for the death of his young brother, slain in a skirmish between the Colonna and the Orsini factions, 1848-49)
«Страшны двор» (The Haunted Manor, 1849, галерэя Тэйт, Лондан)
Cornfield at Ewell, 1849, галерэя Тэйт, Лондан.
A Converted British Family sheltering a Christian Priest from the Persecution of the Druids, 1849-50, Оксфард.
«Клаўдзіа і Ізабела» (Claudio and Isabella, 1850-53, галерэя Тэйт, Лондан)
«Абуджэнне сарамлівасці» (The Awakening Conscience, 1851-53, галерэя Тэйт, Лондан)
Our English Coasts, 1852, галерэя Тэйт, Лондан
«Светач свету» (The Light of the World, 1853—184)
The Afterglow in Egypt, 1854-63, Оксфард
«Ахвярны казёл, карціна» (The Scapegoat, 1854-56)
The School-girl’s Hymn, 1858-59, Оксфард
«Знаходжанне Збавіцеля ў Храме» (The Finding of the Saviour in the Temple), 1854—1860
The Festival of St. Swithin (The Dovecot), 1865-66, Оксфард
Isabella and the Pot of Basil, 1868
«Цень смерці» (The Shadow of Death, 1870-73)
The Plain of Esdralon from the Heights above Nazareth, 1877, Оксфард.
The Triumph of the Innocents, 1883—1884), галерэя Тэйт, Лондан.
«Лэдзі з Шалота» (The Lady of Shalott, разам з Х’юзам, 1886—1905)
May Morning on Magdalen Tower, 1888—1891.
Christ the Pilot, 1894
The Importunate Neighbour, 1895
«Сыходжанне прасвяднага агню» (The Miracle of the Holy Fire, 1892-99)
«Джон Хант» (John Hunt, галерэя Тэйт, Лондан)
«Афіны» (Athens)
«Дантэ Габрыэль Расеці» (Dante Gabriel Rossetti)
«Уільям Холман Хант» (William Holman Hunt, аўтапартрэт)
Christ amongst the Doctors
«Ізабела і вазон з васількамі» (Isabella)

Зноскі

↑ Union List of Artist Names — 2017. Праверана 6 ліпеня 2019.
1 2 https://www.britannica.com/biography/William-Holman-Hunt
1 2 3 4 https://rkd.nl/explore/artists/40652
↑ Union List of Artist Names — 2017. Праверана 25 кастрычніка 2018.
1 2 Lundy D. R. The Peerage
1 2 Kindred Britain
↑ http://www.artnet.com/artists/william-holman-hunt/